30 Anekdot (nivel 2) | страница 9

Examen

Gin-talimer zai fai mucho kwesta a un studenta, bat studenta bu mog jawabi nul de li. Dan talimer desidi fai kelke muy fasile kwesta, dabe ta suksesi fai kelke prave jawaba.

"Kwo es Banker-Hil (Bunker Hill)?" ela kwesti.

Studenta mediti idyen, shwo:

"Airaportu ku?"

"Non, es batala," talimer shwo.

Ela zai en-iri, bat trai bu diki se. Poy ta kwesti:

"Hu bin un-ney presidenta de USA?"

Studenta dumi longtaim, bat bu shwo nixa. Dan talimer iri gro, krai:

"Jorj Woshington!"

Studenta en-stan e en-pedi versu swa-ney plasa.

"Lai bak!" talimer shwo. "Me bu he lasi yu go."

"Oo, skusi," studenta shwo, "Me dumi-te ke yu voki sekwe studenta."