‘конференция’ (а не ‘лекция’);
placo ‘площадь’ (а не ‘место’);
poemo ‘поэма’ (а не
‘стихотворение’);
profesoro ‘профессор’ (а не ‘учитель’);
rendevuo ‘свидание’ (а не ‘заседание’, ‘слет’, ‘конференция’);
senco ‘смысл’ (а не ‘направление’);
tempo ‘время’ (а не
‘погода’).
Lando, kiu ne estas sur la mapo
La lando Esperantujo. Ne serĉadu tiun landon sur la mapo –
ĝin ne notis la ĉiosciantaj geografoj. Kaj tamen Esperantujo
ekzistas – ĝi etendiĝas sur la tuta terglobo, ĝin enloĝas
homoj de ĉiuj sociaj tavoloj – laboristoj kaj ŝtatestroj,
lernejanoj kaj akademianoj; homoj de ĉiuj aĝoj – de
balbutantaj beboj ĝis centjaraj maljunuloj; homoj de ĉiuj
nacioj kaj haǔtkoloroj; homoj de ĉiuj profesioj, okupiĝoj,
hobioj, interesoj, temperamentoj. Esperantujo estas la mondo en
miniaturo. La mondo estas grandega kaj malfacile
ĉirkaǔrigardebla. Tra la prismo de Esperantujo estas pli
facile ĉirkaǔrigardi kaj kompreni la mondon.
Kio do unuigas la homojn en Esperantujo? Unue – la aspiro
fortikigi la pacon kaj interkompreniĝon inter la popoloj.
Due – la internacia lingvo Esperanto, kiu heredis ĉion plej
bonan, logikan, esprimkapablan, kio ekzistas en naciaj lingvoj.
Malgraǔ tio, ke esperantujanoj loĝas en Arkto kaj en
tropikoj, sur montoj kaj sur Pacifikaj insuloj, sur ĉiuj
kontinentoj, ili bonege komprenas unu la alian pro la admirinda
unueco de la lingvo. Se en esperantlingvaj revuoj ne starus
subskriboj sub artikoloj, oni ne kapablus difini laǔ la stilo,
en kiuj landoj loĝas ties aǔtoroj.
Centmiloj da esperantujanoj legas en la Internacia lingvo
beletrajn, soci-politikajn, scienc-teknikajn librojn, centon da
revuoj, aǔskultas dekon da radiostacioj, rigardas spektaklojn
kaj kinofilmojn, korespondas, kantas, parolas dum kongresoj kaj
renkontiĝoj, en tendaroj kaj kluboj. Esperanto estas ne simple
lingvo, sed ankaǔ rimedo de pacbatalo; ĝi estas romantiko,
ĝi estas interesa kaj utila ŝatokupo.
En Esperantujo estas Akademio, kiu observas la evoluadon de la
lingvo. Funkcias unuiĝoj laǔ profesioj kaj interesoj – de
sciencistoj, instruistoj, turistoj, fervojistoj,
aǔtomobilistoj, verkistoj, medicinistoj, filologoj,
ĵurnalistoj, agrikulturistoj, poŝtistoj, muzikistoj,
filatelistoj, filozofoj, juristoj k. c. Pluraj landoj,
inkluzive Sovet-Union, eldonis poŝtmarkojn kun Esperanta
teksto.
Insuletoj de Esperantujo estas ĉie, inkluzive la Tutmondajn
festivalojn de la junularo kaj studentaro, en kies kadroj
okazas esperantistaj renkontiĝoj. Esperanto trovis uzon dum
kelkaj lastaj Olimpiaj ludoj (Olimpikoj). Estas publikigitaj
terminaroj kaj frazlibroj pri sportaj temoj.
