Кондак Богородице – 3 дня со скорбию исканий 12-летнего Иисуса Христа (Взбранной Воеводе…)
10. Отче наш… Богородице Дево… 10 раз.
(Благообразный Иосиф, с древа снем Пречистое Тело Твое, плащаницею чистою обвив, и вонями во гробе нове покрыв, положи. Не рыдай Мене, Мати, зрящи во гробе, Егоже во чреве без семене зачала еси, Сына: востану бо и прославлюся и вознесу со славою непрестанно, Яко Бог, верою и любовию Тя величающыя.)
11. Отче наш… Богородице Дево… 10 раз.
Христос воскресе из мертвых смертию смерть поправ и сущим во гробех живот даровав (3 раза).
Ангел вопияше Благодатней: Чистая Дево, радуйся! И паки реку: радуйся! Твой Сын воскресе тридневен от гроба и мертвыя воздвигнувый; людие, веселитеся!
Светися, светися, новый Иерусалиме, слава бо Господня на тебе возсия. Ликуй ныне и веселися, Сионе. Ты же, Чистая, красуйся, Богородице, о востании Рождества Твоего.
12. Отче наш… Богородице Дево… 10 раз.
(Вознеслся еси во славе, Христе Боже наш, радость сотворивый учеником обетованием Святаго Духа, навещенным им бывшим благословением, яко Ты Сын Божий, Избавитель мира.)
13. Отче наш… Богородице Дево… 10 раз.
(Благословен еси, Христе Боже наш, Иже премудры ловцы явлей, низпослав им Духа Святаго, и теми уловлей вселенную, Человеколюбче, слава Тебе.)
14. Отче наш… Богородице Дево… 10 раз.
(В рождестве девство сохранила еси, во успении мира не оставила еси, Богородице, представилася еси к животу, Мати сущи Живота, и молитвами Твоими избавляеши от смерти души наша.)
15. Отче наш… Богородице Дево… 10 раз.
Прославление от Святой Троицы
(Достойно есть яко воистину блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без нетления Бога Слова рождшую, сущую Богородицу Тя величаем.)
Молитва о заступлении перед Казанской иконой Божией Матери
«О Пресвятая Госпоже Владычице Богородице! Со страхом, верою и любовию пред честною и чудотворною иконою Твоею припадающе, молим Тя: не отврати лица Твоего от прибегающих к Тебе. Умоли, Милосердая Мати, Сына Твоего и Бога нашего, Господа Иисуса Христа, да сохранит мирну страну нашу, Церковь же Свою святую непоколебиму да соблюдет и от неверия, ересей и раскола да избавит. Не имамы бо иныя помощи, не имамы иныя надежды, разве Тебе, Пречистая Дево: Ты еси всесильная христиан Помощница и Заступница. Избави же всех с верою Тебе молящихся от падений греховных, от навета злых человек, от всяких искушений, скорбей, болезней, бед и от внезапныя смерти; даруй нам дух сокрушения, смирение сердца, чистоту помышлений, исправление греховныя жизни и оставление прегрешений, да вси, благодарно воспевающе величия и милости Твоя, являемые над нами зде на земли, сподобимся и Небеснаго Царствия и тамо со всеми святыми прославим пречестное и великолепое имя Отца и Сына и Святаго Духа во веки веков. Аминь».
