Вышняго в вышних, Святаго во святых почивающаго
[81], смиряющаго надмение гордых
[82], разрушающаго замыслы языков
[83], смиренных возносящаго и смиряющаго вознесенных
[84], обогащающаго и разоряющаго
[85], убивающаго и животворящаго
[86], Единаго Благодетеля духов и Бога всякия плоти
[87], видящаго бездны
[88], Всевидца человеческих дел
[89], в опасности сущих Помощника, отчаявшихся Спасителя
[90], всякого духа Творца и Назирателя
[91], умножающаго на земли языки и от всех избравшаго любящих Тя чрез возлюбленнаго Отрока Твоего Иисуса Христа, чрез Негоже Ты нас научил, освятил, почтил еси
[92]. (4) Просим (Тебя)
[93], Владыко, Помощника и Заступника нашего быти
[94], сущия от нас в скорби спаси
[95], <смиренныя помилуй>
[96], падшия воздвигни, просящим явися, немощныя исцели, заблуждающияся от народа Твоего обрати
[97], напитай алчущия, плененныя от нас свободи, восстави немощныя
[98], утеши малодушныя: да познают Тя вси языцы, яко Ты еси Един Бог
[99], и Иисус Христос Отрок Твой, и «мы людие Твои и овцы пажити Твоея»
[100].
60. (1) Ты бо чрез совершаемое Тобою соделал еси зримо вечное составление [101] мира; Ты, Господи, сотворил еси вселенную, верный во всех родех [102] и праведный в судех, чудный в силе и великолепии, мудрый в творении и разумный в основании сотвореннаго, благий в видимых и верный [103] в уповающих на Тя, милостивый и щедрый [104], остави нам беззакония наша и неправды и грехи и прегрешения. (2) Не вмени всякого греха рабов Твоих и рабынь, но очисти ны очищением истины Твоея [105] и исправи стопы наша [106] ходити в святости, (правде и простоте) [107] сердца [108] и творити благое и угодное пред Тобою [109] и пред князи нашими. (3) Ей, Господи, яви Лице Твое [110] нам во благо в мире, во еже осенитися нам рукою Твоею [111] сильною и избавитися от всякого зла Твоею мышцею высокою [112], и избави ны от ненавидящих нас неправедно [113]. (4) Подаждь единомыслие и мир нам и всем населяющим землю, якоже дал еси отцем нашим, призывающим им Тя свято в вере и истине [114], покорни [ны ] быти всемогущему и всесовершенному Имени Твоему, и князем и вождем нашим на земли.
61. (1) Ты, Владыко, дал еси власть царства им великолепия и неизреченныя Твоея державы ради, во еже познати нам данную Тобою им славу и честь покорятися им, ничимже противлятися воле Твоей; подаждь сим, Господи, здравие, мир, единомыслие, благостояние, во еже исполняти им Тобою данное им водительство неблазненно. (2) Ты бо, Владыко пренебесный, Царю веков
