По победе же Александрове, якоже победи корабля, в третии год, в зимнее время поиде на землю Немецкую в велице силе, да не похвалятся ркуще: оукоримъ Словеньскыи языкъ ниже себе; оуже бо бяше град Псков взят, к наместникы от ||(л.159) Немець посажени. Он же въскоре градъ Псковь изгна и Немець изсече, а инех повяза, и град свободи от безбожных Немець, а землю их повоева и пожже и полона взя бес числа, а овех иссече. Они же гордии совокупишася и рекоша: поидем и победим Александра и имемъ его роукама. Егда же приближишася, и очютиша я стражие, князь же Александръ оплъчися, и поидоша противу себе и покриша озеро Чюдьское обои от множества вой. Отець же его Ярославъ прислалъ бе ему брата меньшаго Андрея на помощь въ множестве дроужине. Такоже и оу князя Александра множество храбрых, якоже древле оу Давыда царя силнии, крепции, тако и мужи Александровы исполнишася духом ратнымъ; бяху бо сердца их акы сердца лвомъ, и решя: о княже нашь честныи, ныне приспе время нам положити главы своя за тя. Князь же Алесксандръ, воздевъ роуце на небо и рече: соуди ми, боже, и разсуди прю мою от языка непреподобна; и помози ми, господи, яко же древле Моисию на Амалика и прадеду нашему Ярославу на окааннаго Святополка. Бе же тогда субота, ||(л.159об.) въсходящю солнцю, и съступишася обои: и бысть сеча зла и троусъ от копии ломления и звоукъ от сечения мечнаго, якоже кезару померзъшю двигнутися, и не бе видети леду, покры бо ся кровию. Се же слышах от самовидца, же рече ми: яко видех полкъ божии на въздоусе, пришедши на помощь Александрови. И тако победи я помощию божией, и даша плеща своя, и сечахоуть я гоняще ахи по и аероу, .и не бе камо оутещи. Зде же прослави богъ Александра пред всеми полкы, яко же Исуса Наввина оу Ерехона. А иже рече: имемь Александра роуками, сего дасть ему богъ в роуце его; и не обретеся противникъ ему въ брани никогдаже. И возвратися князь Алексачдръ с победою славною, и бяше множество полоненых в полку его, и ведяхоуть босы подле конии, иже именоують себе божии ритори. И якоже приближися князь къ граду Пскову, игоумени же и попове и весь народ сретоша и пред градомъ съ кресты, подающе хвалу богови и славоу господину князю Александроу, поюще песнь: пособивыи, господи, кроткомоу Давыдоу победити иноплеменьникы: и верномоу ||(л.160) князю нашему ороужиемь крестным, и.свободи градъ Псков от иноязычникъ роукою Алексакдровою. И рече Александръ: о невегласи псковичи, аще сего забоудете и до правноучатъ Александровых, и оуподобитеся Жкдом, ихже препита господь в поустыни манною и крастелми печеными, и сихъ всех забыша и бога своего, изведшаго я от работы изь Египта."
