Мое мнение таково, что казачество — это и есть Орда, и национальный состав казачества — это и есть национальный состав Орды.
И это прямо следует из определения БЭКМ.
Однако мы отвлеклись.
Потери южнорусского войска были очень велики — из 18 князей, участвовавших в сражении, домой сумела вернуться половина и только около десятой части рядовых бойцов. Монголы преследовали русских до Днепра, затем повернули в степь и пошли походом на Волжско-Камскую Булгарию.
Галицко-Волынская летопись под 1224 годом сообщает о битве на Калке следующее:
«Въ лето 6732 (1224). Приде неслыханая рать, безбожнии моавитяне, рекомыи татаръве, придоша на землю половецькую, Половцемь же ставшим, Юрьгий Кончакович бе болийше всихъ половець, не може стати противу лицю их, бегающи же ему, и мнози избьени быша до рекы Днепра. Татаром же возвратившися, идоша в вежа своя. Прибегшимъ же половцемь в Рускую землю, глаголющимъ же имъ рускимъ княземь: „Аще не поможете нам, мы ныне исечени быхомъ, а вы наутрее исечени будете“.
Бывшю же свету всих князей во граде Кыеве, створиша светъ сице: „Луче ны бы есть прияти я на чюжей земле, нежели на своей“. Тогда бо беахуть Мьстиславъ Романовичь в Кыеве, а Мьстиславъ в Козельске и Чернигове, а Мьстиславъ Мьстиславичь в Галиче, то бо беаху старейшины в Руской земли. Юрья же князя великого Суждальского не бы в том свете. Се же паки млади князи Данилъ Рома-новичь, Михаил Всеволодичь, Всеволод Мьстиславичь Кыевьскый, инии мнозии князи. Тогда же великый князь половецкый крестися. Басты Василка же не бе, бе бо в Володимере млад.
Оттуду же приидоша месяца априля, и придоша к реце Днепру, ко острову Варяжьскому. И приеха ту к нимъ вся земля Половецкая, и черъниговцемь приехавшим, и кияномъ и смоляномъ, инемь странам всянамъ. По суху же Днепр перешедшим, якоже покрыти воде, быти от множества людии. А галичане и волынци киждо со своими князьми. А куряне и трубчяне и путивлици, и киждо со своими князьми придоша коньми. А выгонци галичькыя придоша по Днестру и воидоша в море, бе бо лодей тысяща, и воидоша во Днепр, и возведоша порогы, и сташа у рекы Хорьтице на броду у протолчи. Бе бо с ними Домамеричь Юрьгий и Держикрай Володиславичь.
Пришедши же вести во станы, яко пришли суть виолядии рускыхъ, слышавъ же Данилъ Романовичь и гна вседъ на конь видети невиданьноя рати, и сущий с ними коньници и инии мнозии князи с ним гнаша видити невиденое рати. Онемъ же отшедшимъ, Юрьги же имъ сказываше, яко: „Стрелци суть“. Инии же молвяхуть, яко: „Простии людье суть, пущей половець“. Юрьги же Домамиричь молвяшеть: „Ратници суть, и добрая вой“.
