В лето 6746 (1238) бысть бой великому князю и всемъ князем на Сити, и оубьенъ бысть великы князь Юрьи Всеволодичь на реце на Сити, а Василка Костянтиновичя роуками яша и потом оубиша его на Шеренскомъ лесе месяца марта въ 4 день, в четверток 4 недели поста, а ини князи избиша оть поганых, гониша бо по них погании и не обретоша ихъ, Богъ бо избави ихъ оть руку иноплеменникъ: благочестивого и правоверного князя Яраслава и с правоверными его сынъми, бе бо оунего сынов 6: Александр, Андрей, Костянтинъ, Афанасий, Данилъ, Михаиле и Святоссъ сыном Дмитреемъ, Иоаннъ Всеволодичъ и Володи-Костянтиновичь и Василковича два, Борись и Глебъ, и Василий Всеволодичь. Си вси съхранени быша молитвами к святыа Богородица (выделено мной. — К. П.). А инии же окааннии, шедъ, взяша град Торжекъ, за сто връстъ толико Новагорода не дошли, заступи бо его Богъ и святаа Богородица. Оттудоу же поиде Батый, прииде к городоу Козелскоу. Бе же в Козелце князь младъ, именем Василий; Козляне же съветъ сотвориша не вдатися Батыеви, рекоша к собе: „Аще князь нашь младъ есть, но положим животъ свой зань, зде славу света сего приимше и тамо небесныа венца отъ Христа Бога приимемъ“. Татаромъ же бьющимся оу града, приати его хотящем, и разбивше стены градные и взыдоша на вал, Козляне же тоу ножи резахуся с ними и, съветъ сътворивше, изыдоша из града противу имъ, на полкы ихъ нападше и исекоша праща ихъ и оубиша отъ Татаръ 4000, а сами избьени же быша. Батый же вземъ Козелскъ град и изби вся, не пощаде и до отрепать ссоущихъ млеко. А о князи Василии неведомо бысть, инии глаголаху, яко в крови оутонулъ есть, понеже оубо младъ бысть. Оттоле же в Татарехъ не смеахуть назвати его град Козелскъ, но звахоуть его град Злый, понеже бяхоуть билися оу града того по семь недель. И оубиша отъ Татаръ три сыны темничи, и искавше их Татарове и не обретоша въ множестве троупиа мертвыхъ. Батый же вземъ Козелескъ и поиде в землю Половецькую. Яраслав же, сынъ великого князя Всеволода Юрьевича, пришедъ, селе на столе въ Володимери и обнови землю Соуздалскоую и церкви очисти отъ троупиа мертвыхъ и кости ихъ съхранивъ и пришелци оутеши и люди многы събра. И бысть радость велика хрестьяномъ, ихже избави Богъ рукою своею крепкою отъ безбожных Татаръ. Тогда же Яраславъ дасть братоу своемоу Святославу Соуздаль, а дроугомоу брату Иоанну дасть Стародубъ».
Как видите, «Бог избавил» от руки татар Ярослава Всеволодовича и все его потомство. Это был очень хороший и правильный православный Бог, без всякой иронии доложу я вам.
