Библиотека литературы Древней Руси. Том 14 (Конец XVI - начало XVII века) | страница 24
Человека просителя, именем Иосифа, не видевша очима нимало, яко сам поведа, три лета, — прозрети того Владычица сподоби. Враг же, ненавидяй спасения человеком, забыти тому сотвори вскоре богатого врача, подавшего исцеления, Пречистую Богородицу. Еже бы воздати молитву и благодарения, вместо того на прошение сребра паки устремися, емуже извыче. И верою отпаде, и леностию отягчен, не получи до конца спасения, и неведения ради своего малу стезю зряще.
Народи же, видевши чюдо, и болшую веру ко образу Пречистыя приложиша. И тако Пречистыя образ, чюдотворную икону, внесоша в соборную церковь Пресвятыя Богородицы, честнаго и славнаго ея Благовещения.[39] И ту в соборной церкви Владычица показа
Человека некоего, именем Никиту, не видевша очима нимало света, прозрети того Богородица сподоби. Он же убо теплою верою припаде к чюдотворному Ея образу и получи здравие, хваля и славя Бога и Пречистую Богородицу.
И тако, певше молебная пения, абие отидоша в домы своя со страхом и трепетом и радостию многою. Наутрие же архиепископъ служив Божественную литоргию; народи же вси, приходяще в соборную церковь к чюдотворному образу и дароношение приносяще: инъ злато, инъ же сребро, и кто что можаше, кииждо по силе. Пречистая же Богородица нача являти чюдеса своя.
Прежереченную же девицу Матрену с материю ея почтоша архиепископъ же и воеводы и весь народ.
Чюдную же икону списавше, и преславное явление чюдотворныя тоя иконы, и чюдеса бываемыя отъ нея написаша, и послаша в царствующий град на Москву, к самодержавному государю царю и великому князю Ивану Васильевичю, всеа Русии самодержцу, и к сынома его — царевичю князю Ивану Ивановичю и царевичю князю Федору Ивановичю (ныне же, Божиею благодатию, государь царь и великий князь, самодержецъ всеа Русии). И видеша убо христолюбивии царие чюдную икону Владычицы нашея Богородицы и Приснодевей Марии и честнаго ея Одегитрия и дивишася зело, яко такова образа переводом нигдеже не видеша.