идеже Богь весть. И вышед из церькви на правой руке близь церкви пещера велика, подписана была вся, а над дверьми написан Спасов образ.
[264] В той пещере предал Июда Христа пребеззаконным июдеем. И оттоле пойдохомъ на другую страну Удоли Плачевныя а на Елеонскую гору; прямо от тое пещеры вержением каменя стоитъ древо зелено и до сего дни, а имя ему маслина. Тамо Христосъ творяше молитву в тайне.
[265] На том же потоке есть доль, на том долу творяше
Христос молитву, якоже рече Божественное Писание:
[266] «Во Удоли Плачевне на месте, идеже положи и бо благословение, дастъ законъ дая». И паки Христосъ в ту же пещеру прииде ко учеником своим и обрете их спяща; и пришед, рече имъ: «Понеже обещаете со мною умрети, и ныне не возмогосте единаго часа побдети со мною. Единъ бо от вас спешитъ и бдитъ, — хощет мя предати беззаконным июдеемъ». И отоиде от них в другое место помолитися, — на доль, идеже есть Удоль Плачевна. И помолився, паки прииде в ту же пещеру, ко ученикомъ своимъ. И обрете их спяща и рече имъ: «Спите, протчее, и почивайте, духъ бо бодръ, плоть же немошна».
И оттоле мало идохомъ на Елеонскую гору, туто же лежитъ камень, с него же Христос на жребя всяде.[267] Оттоле поидохом на верхъ святыя горы Елеонския. От Гепсимания до верху горы Елеонския якобы полторы версты, а от Иерусалима верста едина. На самом на святомъ верху есть место, где Христосъ стоял со ученики своими. И вопросиша его ученицы о кончине века сего. Он же рече: «Не может того ведати ни Сынъ, ни ктоже, токмо Отецъ един».[268]
На том верху стоит великая церковъ Вознесение Христово пуста, от беззаконных турокъ запечатленна. В той церкви учинена малая церковъ, в малой же церкви пред царскими дверми лежит камень. С того камени вознесеся Христосъ пред ученики своими на небеса;[269] и на томъ камени вообразишася стопы Христовы, и ныне лежит одна стопа Христова, знать и доныне. Мы же, грешнии, целовахом ее.
От святаго же града Иерусалима до реки Иордана поприщь,[270] идеже крестися Господъ наш Исусъ Христосъ от Предтечи Иоанна. И ту на брегу великая церковъ Богоявление Христа Бога нашего[271] стоит пуста. От тое же церкви яко полверсты стоит монастырь Иванна Предотечи на том месте, идеже крещаше Иоаннъ Предтеча неверныя июдея. И в том манастыри игумен и братия. И на празник в навечерии святых Богоявлений приходит игуменъ и священницы ис того монастыря в церковъ святых Богоявлений и служат святую службу вечернюю, и всенощное, и утреню, и божественную литоргию и паки отходят во свой монастырь. Тамо же монастырь преподобнаго и святаго отца Герасима, ему же левъ поработа,
