Лета 7067-го[92] государь царь и великий князь Иван Васильевичь всеа Русии при благоверной царицы и великой княгини Анастасии, и при царевичехъ Иванне и Феодоре,[93] и при святейшемъ папе и патриархе Макарии, митрополите[94] всеа Русии, и при архиепископе новгородскомъ Пимине[95] посылал во Царьгородъ,[96] и во Иерусалим, и во Египетъ,[97] и в Синайскую гору[98] новгородцкого архидьякона Генадия,[99] да гостя Василия Познякова, да Дорофея Смольнина, да Кузьму Салтанова, псковитина.[100] И Генадий недошед Иерусалима в Цареграде преставися. А Василей Пазняковъ с товарищи во святемъ граде Иерусалиме, и во Египте, и в Синайской горе, и в Раифе[101] были, и чьто тамо видели, то сущее и написали. И опять пришли во царствующий градъ Москву.
А приходъ ихъ — перьвое, пришьли во Египетъ к папе[102] и патриарху Иакиму александрийскому[103] и начаша ему о государи цари и великого князя здравии сказывати: «Благоверный и христолюбивый царь и великий князь Иван Васильевичь всеа Русии здравствуетъ, отче». Такоже и о благоверной царицы и великой княгини Анастасии и о царевичехъ — о Иваньне и о царевиче Феодоре. Воспроси же насъ о митрополите. Мы же о митрополите рекохомъ ему: «Макарей, митрополитъ великого града Москвы и всеа Русии, велел тобе, святейшему папе и патриарху Иакиму, челом ударити». И поклонихомся до земля. Онъ же рекъ намъ: «Какъ Богъ милуетъ брата нашего Макария, митрополита всеа Русии, и како церьковъ Христову пасетъ и словесное стадо?» — Мы же отвещахомъ ему: «Молитвами вашими здравствуетъ о Христе и церьковъ Христову хранитъ целу и непорочну». И вземъ у насъ пречестный образ и шубу.[104] И благослови насъ своимъ благословением, и вели к собе кресло принести и насъ, возле собя велел поставити кресло, понеже в полате его лавокъ нетъ, а среда наслана ковры шолковыми. Самъ же сяде и намъ велелъ сесьти возле собя. И емъ насъ за руку и велел толмачю говорити[105]: «Подобает де намъ спрашивати васъ про вашу веру православную и о Божиихъ церквах стоячи. И вы де на меня не позазрите в томъ, занеже немощен есмъ вельми, 19 дней лежал есьми на одре своемъ, а ныне, мню, Богъ мя от одра воздвиг вашего ради пришестьвия». Мы же ему поклонихомся до земли и рекохом ему: «Вашими святыми молитвами миръ стоитъ». И нача насъ вопрошати о строении нашего царьства. Мы же ему вси истинну поведахомъ, и како нашему государю покоришася многие царьства иноверныхъ,
