Земная жизнь Пресвятой Богородицы | страница 101



Апостолы, сподобившиеся видеть это славное восхождение на небо Божией Матери, в трепете следили за Ней очами, как некогда за возносившимся с Елеонской горы Господом. Придя в себя от восторга, они окружили одр и с благоговейным умилением смотрели на пречистое тело Богородицы.

Чувства апостолов верно постигнул и прекрасно передал один из наших святителей, митрополит Григорий († 1420):

«Апостолы обступиша одр священный, воспеваху, паче человека вещающе. И зде Петр теплоту своея веры показоваше и слезами обливаем глаголаше: “О, вместилище Божества, почто ныне тако зрю без дыхания простерту! И удивляюся, како вместит Тя гроб, вместившую Невместимаго небом! Како покрыет Тя камень, Покрове человеком! Како Твое преставление стерпим, по Господе Надеждо наша! Кая пения воспоем Ти! Кая надгробная принесем Ти! Что наречем Тя, чесому уподобим Тя? Которому первее удивимся, девству ли, или безсеменному зачатию, или безболезненному и неизреченному рождению? Ты бо всякия чистоты превзыде предел. Ты Серафимов Владычица и Херувимам Царица явися и Госпожа всякия видимыя и невидимыя твари. Что к Тебе речем? Киими миры проводим Тя, Мироприемнице небесная? Кое кадило принесем Ти, Златая Кадильнице? Недоумеваю и удивляюся: как Одр Великаго Царя на мале одре мертволепно без дыхания лежит!”

Преемши же Петрова воспевания, Павел, сосуд избранный, весь исступлен, весь восхищен, весь обожен, глагола: “О, чудесе! Како затворишася девственныя очи, от самых пелен Ангелы зрети навыкшия? Како питательница жизни смертию объята бысть? Како не сохранися безсмертна, яже нетленна и по рождестве сохранена бысть! Како лествица небесная, по ней же сниде Бог к человеком, во гробе затворитися грядет! Како гора превысокая Божия и великая на мале одре лежит, в Нейже Господь вселися до конца! Како жезл присноцветущ ныне увядший зрится? О, преславного зрения! О, непостижимаго таинства! О, глубина богатства, премудрости и разума Божия!.. Почто отлете от нас, Своих рабов, Голубице неблазная? Почто удалися от нас, Горлице сладкогласная? На кого воззрим прочее? Кто нам провещает? Кто уже от наветов иудейских печаль нашу утешит? На Тебе зряще, Онаго мнехом зрети, из Тебе неизреченно возсиявшаго. Вознесеся Спас: и мы надежду нашу всю на Тя имехом и сладце терпехом труды и гонения о проповедании истины. Ныне же последнее сиротство объя нас. Како внезапу угасе, Светильниче Незаходимаго Света? Но смотрение (Божие) есть же на Тебе бываемое, а не одоление смертное: ниже возмогла бы приразитися Тебе, Мати Живота, смерть, Твоим Сыном умертвившаяся. Но яко да не почтется привидением истина вочеловечения, сего ради Ты, подобно безсмертному Твоему Плоду, естества долг отдаеши”.