Молитвами блаженного сего целителя Дамиана да сподобит господь и нас быть в бесконечные веки участниками царства Своего, где нет болезни. Аминь.
Преподобный Дамиан показал пример исключительного воздержания и до смерти своей, кроме хлеба и воды, ничего не ел. Он носил имя древнего святого целителя Дамиана и сподобился дара чудотворения, по словам Патерика: «иже исцеляше больных молитвою и святым елеем». Если кто приносил дитя, одержимое каким-либо недугом, или взрослый человек, страдавший какой-либо болезнью, приходил или бывал привозим в монастырь к прп. Феодосию, он повелевал прп. Дамиану творить молитву над больным, и тот с покорностью и смирением, считая себя недостойным дара чудотворения, творил молитву над больным, помазав его св. елеем, и благодатью Божией все получали исцеления и уходили здоровыми.
Тропарь преподобных Дамиана пресвитера, целебника, Иеремии и Матфея прозорливых, Печерских, в Ближних пещерах, глас 1.
Христовых повелений светом сердца своя просветивше, / страстный мрак прогнасте, / те Троицы селение бысте тричисленнии отцы, / Дамиане, Иеремие с Матфеем, / от Неяже благодать приемше, / недужныя исцеляете, будущая возвещаете / и, Ангелом сопричастницы суще, / молитеся Христу Богу даровати нам причастие святых.
Кондак преподобных Дамиана пресвитера, Иеремии и Матфея прозорливых, Печерских, глас 2.
Якоже древний пророцы благодать пророчествия приемше / и неложне духом предзревше, прорекоша найти хотящая, / тако и вы в жизни нашей злая, грехов ради наших на ны грядущая, предвозвестисте; / и ныне да не постигнут ны злая, / испросите от Христа Бога исправление делом нашим и велию милость.
Молитва преподобному Дамиану, пресвитеру, целебнику Печерскому.
Преподобие отче Дамиане! Воззри на нас милостивно и к земли приверженных возведи к высоте небесней. Ты горе на небеси, мы на земли низу, удалены от тебе, не толико местом, елико грехми своими и беззаконии, но к тебе прибегаем и взываем: настави нас ходити путем твоим, вразуми и руководствуй. Вся твоя святая жизнь бысть зерцалом всякия добродетели. Не престани, угодниче Божий, о нас вопия ко Господу. Испроси предстательством своим у Всемилостиваго Бога нашего мир Церкви Его, под знамением креста воинствующей, согласие в вере и единомудрие, суемудрия же и расколов истребление, утверждение во благих делех, больным исцеление, печальным утешение, обиженным заступление, бедствующим помощь. Не посрами нас, к тебе с верою притекающих. Вси православнии христиане, твоими чудесы исполненнии и милостями облагодетельствованнии, исповедуют тя быти своего покровителя и заступника. Яви древния милости твоя, и ихже отцем всепомоществовал еси, не отрини и нас, чад их, стопами их к тебе шествующих. Предстояще всечестней иконе твоей, яко тебе живу сушу, припадаем и молимся: приими моления наша и вознеси их на жертвенник благоутробия Божия, да приимем тобою благодать и благовременную в нуждех наших помощь. Укрепи наше малодушие и утверди нас в вере, да несомненно уповаем получити вся благая от благосердия Владыки молитвами твоими. О, превеликий угодниче Божий! Всем нам, с верою притекающим к тебе, помози предстательством твоим ко Господу, и всех нас управи в мире и покаянии скончати живот наш и преселитися со упованием в блаженныя недра Авраамова, идеже ты радостно во трудех и подвизех ныне почиваеши, прославляя со всеми святыми Бога, в Троице славимаго, Отца и Сына и Святаго Духа, ныне и присно и во веки веков. Аминь.
