[22] He oho Makemake, he ki ki tau nuahine era, he haaki i tau vanaga ki era e Haua kia Makemake. [23] He oti te ki ki te nuahine.
[24] He hoki mai Makemake he ki kia Haua: [25] «Ka keukeu ki oho ki hehei (i)ro i te manu ki oho ro ki uta». [26] He ki mai Haua: «Matu».
[27] He oho ararua, he hehei mai i te manu. [28] He oho mai ko te manu ko raua atotoru ko te nuahine. [29] He oho mai te manu, he tomo.
[30] He ui a Makemake i te kona rivariva koga (kona) Kau-Haga. [31] He hakarere i te manu he noho etoru tau. [32] Kai riva i kai te mauga e tetagata, e te vie, e te poki.
[33] He hoki Makemake raua ko Haua. [34] He hei hakaou ki Vai-a-Таге i ra i hakarere ai. [35] He noho e toru hoki tau, he ui i te mamari о te tagata kai riva i kai i te mamari.
[36] He hehei hakaou ki haho ki te motu ki Motu-Nui. [37] He noho iho te manu kona tagata kore oira i rivariva i to manu.
[38] He hoki te aamu ki tau nuahine era. [39] Ku noho ana i te hare о te kona ko Vai-Maho. [40] He hakamaa i tau vanaga ki mai era e Makemake mo hakamaa ki te tagata ama.
[41] Ao a te umu ai ka too te tukuga о te kumara ki roto ki te hare ai ka ki «Ka too ma Haua, mа Makemake».
[42] Те toa ana popo ki roto ki te hare peiraa ana hakahiti te igoa о Haua, о Makemake. [43] Te maika peiraa te ika, te koreha, te kahi, te moa, ananake te kai ana hakahiti i te igoa о Haua, о Makemake.
[44] Ananake tau e hatu era te nuahine ki te tagata ku maana te tagata i te igoa ko Haua, ko Makemake.
[45] He hoki te vanaga ki te manu о te motu. [46] He iri te tagata he rere, he oho ki haho ki te motu. [47] He ui tae he manu tae ko iti, he mamari о te manutara.
[48] He hoki mai te tagata rerere ui era he tomo ki uta, he aamu ki te tagata, ki te vie, ki te poki. [49] He iri te tagata ki ruga ki Orogo.
[50] He aga i te hare ananake mata iri ai i aga(i) i te hare о Orogo. [51] He oti te hare, he hono, he gogoro о te hare, о te hare oti te gogoro.
[52] Ko hakahiti ko ia i te igoa о Haua о Makemake. [53] He noho, he tuu ki te topaga manu tara. [54] He iri te tagata he noho i Orogo.
[55] He oho te hopu ki te motu. [56] He noho te ao i Mataveri.
[57] He topa te manutara. [58] He ravaa te manu гае e tahi no mamari. [59] He too mai, he oho mai, he hakaepa manu rae.
[60] I oho mai ai mai i te motu oira ka mee nei te tahi manu i muri manu rae nа о te patugahaga mai о te manu e Haua e Makemake.
[61] He oti te aamu.
