191. А будет кто служилые люди в таких поклажеях учнут к кому приставливати поклепав напрасно, а сыщется про то допряма, и тем служилым людем, кто учнет клепати напрасно, по сыску чинити жестокое наказание, бити кнутом не щадно.
192. А опричь службы на Москве и в городех в поклажеях никому ни на кого бес писма суда не давати, чтобы в том никому ни от кого в поклепных искех напрасные продажи не было.
193. А которые всяких чинов люди учнут всякия свои дела отдавати делати мастеровым людем, а мастеровые люди только в тех делах учнут запиратися, и в том на них будут челобитчики, и на тех людей челобитчиком давати суд и с суда указ чинити, до чего доведется.
194. А будет кто кому что заложит в долгу, или на збереженье даст, и тому закладу или поклажее у того, кому будет заложено, или на збереженье дано, учинится гибель от пожару, или тати покрадут, да и его животы с тем поклажеем втепоры пропадут же, и тому, у кого такое поклажее будет, и с(ь) его животы пропадет, являти околным людем, и в приказах о том подавати писменыя явки, что у него тому поклажею гибель учинилася не его хитростию. А будет тот, чье то поклажее, учнет на него бити челом, что то его поклажее у того, у кого он положил, было вместе с(ь) его животы, а пропало одно его поклажее, а того животы целы, и им в том дати суд, а по суду и по сыску межь ими указ учинити до чего доведется.
195. А будет кто у кого положит свои животы на збережение за своею печатью и за замком, и тот у кого поставлено те чюжие животы отомкнет, и роспечатает, и пересмотрит бес того, чьи те животы, и тот чьи те животы учнет на него бити челом и что ис тех его животов что пропало, а сыщется про то допряма, что те его животы отомкнуты, и роспечатаны, и пересматриваны без него, и по сыску то поклажее, чего против исцова челобитья в лицах не будет, доправити на том, у кого они были поставлены за замком и за печатью. А будет межь ими в тех животах какой спор учинится, и им в том учинити вера, крестное целованье.
196. А будет кто кому в долгу в деньгах, или в и(ы)ном в чем нибудь заложит что до сроку, и кабалу закладную на тот свой заклад даст, а в кабале напишет, будет он того своего закладу на срок не выкупит, и на тот его заклад та закладная кабала и купчая. И дав он такую кабалу, того своего закладу на срок не выкупит, и ему впредь до того своего закладу дела нет, а владети тем его закладом тому, кому он заложит, и волно тому такой заклад продать, и заложить, и в приданые дать.
