Ко иконе Твоей Пресвятей Госпоже бедствующие с верою притекают, заступлением Твоим в хлебопомощи и иных нуждах сподобляются и нас к Тебе прибегающие в скудное время благодатию покрый от дивной иконы Твоея, да зовем:
Радуйся, Матерь Божия Милосердная, Хлеб спасения туне нам подающая.
Молитва перед иконой Пресвятой Богородицы, именуемой «Спорительница хлевов»
Перед иконой Божией Матери «Хлебная» вы можете читать молитвы, традиционно произносимые перед ее образом «Спорительница хлебов»: молитвы перед ней также обещают помощь Божьей Матери в нужде и голоде, избавление от бедности, успех в труде.
О Пресвятая Дево Богородице, Премилостивая Владычице, Царице Небесе и земли, всякаго дома и семейства христианскаго Благоустроительнице, труждающихся благословение, нуждающихся неистощимое богатство, сирых и вдовиц и всех людей Кормительнице! Питательнице наша, рождшая Питателя Вселенныя и Спорительнице хлебов наших, Ты, Владычице, ниспосылаеши Твое Матернее благословение градом нашим, селам и нивам и коемуждо дому, на Тя упование имущему. Темже с благоговейным трепетом и сокрушенным сердцем смиренно молим Тя: буди и нам, грешным и недостойным рабом Твоим, мудрая Домостроительнице, житие наше добре устрояющая. Всякое же сообщество, всякий дом и семейство во благочестии и православии, единомыслии, послушании и довольстве соблюди. Нищия и неимущия пропитай, старость поддержи, младенцы воспитай, всех вразуми преискренне взывати ко Господу: «Хлеб наш насущный даждь нам днесь». Сохрани, Пречистая Ма-ти, люди Твоя от всякия нужды, болезни, глада, губительства, града, огня, от всякаго злаго обстояния и всякаго нестроения. Обители нашей (веси), домам и семействам и всякой души христианстей и всей стране нашей исходатайствуй мир и велию милость, да славим Тя, Премилостивую Питательницу и Кормительницу нашу, ныне и присно и во веки веков. Аминь.
Тропарь Пресвятой Богородице перед Ея иконой, именуемой «Спорительница хлевов»
Тропарь, глас 3
Пречистая Дево Марие, Мати Царя небеси и земли, благоутробно призираеши на любящих Сына Твоего, Христа Бога нашего, и труждающихся во имя Его вечнаго ради спасения, и подаеши им вся обильно к наслаждению. Спорительнице сущи хлебов им, избавляя их всякия нужды и утеснения, и устрояя им, рабом Твоим сущим, избавление вечныя муки и жизнь вечную.
