от краи земля до коньца вселения".
[102] Ияковъ же рече: „Не оскудееть князь от Июды, ни игуменъ от стегну его, дондеже придеть емуже ся щадить",
[103] — и тъ чаяние языкомъ. Си вся видяще скончана и свершена, кого иного жьдете? Данилъ бо рече, от ангела наученъ: „70 недель до Христа игумена, еже есть четыриста и девять десять лет запечатлети видение и пророчество".
[104] Кое же ли вы ся мнить железное царство,
[105] еже Данилъ мнить во иконе?» Отвещаша они: «Римьское». Философъ же въпроси я: «Камень, уторгыися от горы без рукъ чьловечьскъ,
[106] кто есть?» Отвещаша они: «Помазаныи». Пакы же ркоша: «То аще сего сказаемъ пророкы и инеми вещьми уже пришедша, якоже глаголеши, како римьское царство доселе держить царство?» Отвеща Философъ: «Не держиться уже, мимошло бо есть, яко и прочая по образу иконьному. Наше бо царство несть римьско, нъ Христово. Якоже рече пророкъ: „Въздвигнеть Богъ небесныи царство, еже въ векы не истлееть, и цесарьство его людемъ инемъ не оставиться, истънить и извееть вся царьства, и тъ станетъ въ векы".
[107] Не крьстияньско ли есть царьство ныне Христовымъ именемъ наречаемо, а римляне идолехъ прилежаху. Сии же ово от сего, ово от иного языка и племени въ Христово имя царьствують, якоже пророкъ Исаия, являя, глаголя къ вамъ: „Остависте имя ваше в сытость избранымъ моимъ; вас же избиеть Господь, а работающеи ему наречеться имя ново, еже благословено будеть по всеи земле, благословять бо Бога истиньнаго, и кленущиися на земле — кленутся Богомъ небеснымъ".
[108] Не свершило ли ся все пророческое проречение? Уже яве реченая о Христе. Исаия бо съказаеть рождество его от девы, глаголя сице: „Се, дева въ цреве прииметь и родить сынъ, и наркуть имя ему Еммануилъ, еже есть сказаемо: с нами Богъ".
[109] А Михея рече: „И ты, Вифлеоме, земле Июдова, никакоже менши бываи въ владыкахъ Июдовахъ, и ис тебе бо ми изиидеть игуменъ, иже упасеть люди моя Израиля, исходи его искони от дьнии века. Сего ради дасть я до времени ражающая и родити".
[110] Иеремия же: „Въпросите и видите, аще родить мужескъ полъ? Яко великъ дьнь тъ, якоже не бысть инъ; и лето тесно будеть Иякову, и от сего спасеться".
[111] И Исаия рече: „Преже даже болящия не роди, и преже даже не приде рожество, болезни избежа, и роди мужескъ полъ"».
[112] Пакы же июдеи реша: «Мы есмь от Сима благословеное семя, благословени отцемь нашимь Ноемъ, вы же несте». Сказавъ же имъ о семъ и рече: «Благословение отца вашего
