В ТОЙ ЖЕ ДЕНЬ.
[9] ПОУЧЕНИЕ СВЯТАГО ОТЦА ФЕОДОРА, ИГУМЕНА СТУДИЙСКАГО, ЕЖЕ НЕ ОТЧАЯТИСЯ СВОИМИ ГРТЕХИ БОЖИЯ МИЛОСТИ
Ничтоже противно хотящему спастися, ни сумнения обьдержай, аще и в последний видъ злых греховь впадеть. Въистину глаголю, послуси бо сему суть мнози, — иже о Давыде, старейшине разбойникомь[10]: какъ бе прьвие человекоубийца и всего зла исполненъ, и како, покаявся, мнишеский взя образ и бысть искусенъ и от диявола насиляемыя исцеляаше. Рече бо аггель к нему: «Давыде, Давыде! Отпусти Господь Богь грехи твоя». Не точию же прости его, но и чюдотворца показа. Хощеши ли и другаго видети — виждь Монасию,[11] иже на 50 и два лета преврати Иизраиля служити бездушьнымь капищемъ, — и той в мало дний покаявся спасеся и возда хвалу Богови, юже и доныне поетъ Божия церкве. И паки божественый Давыдъ по прелюбодеянии и разбои пророческий прия даръ.[12] Мария же Египтяныни по несытьстве греховнемь во аггельский достиже образ и пророчества сподоблена бысть.[13] И ини мнози, падъшеся грехи, покаяниемъ восташа.
Темже никтоже никогдаже не отчаимы себе, но подщим же ся покая-нием достигнути спасения. Того ради и мы, братие, бодреливейше будемъ и благонадежно верующе, яко аще Богь в пучину греховъ впадшая безмернымъ человеколюбиемъ помилова и призывая спасаетъ, колми паче нас, предстоящая ему, спасетъ. И да никтоже рци, слыша сия: «Аще тако содеявше тако прияти быша Богомь, то и всехь нас помилуетъ, невостягновенно от страстий живущихь». Не помышляйте сихъ, они бо по отпущении аггельски пожиша, а невостягновенно поживъшеи зде своими судятся совестьми и в будущий векъ осужаеми мучатся бес конца, понеже въсприяша сбираемаа тлеющая скрови-ща. Стенаньми убо и плакати подобаетъ таковыхъ, ничтоже есть наслажение света сего противу муце согрешающихь. Темже, братие, подвигнемся на покаяние, просяще отпуста грехомъ. Радуимься другь о друзе, спеющимь кь Богу терпениемь и покорениемъ и содолениемь плотьскихь похотей, еже есть второе мучение, да теми свершени наследници будемь вечныя жизни о Христе Исусе Господе нашемъ.
В ТОТ ЖЕ ДЕНЬ. ПОУЧЕНИЕ СВЯТОГО ОТЦА ФЕОДОРА, ИГУМЕНА СТУДИЙСКОГО, О ТОМ, ЧТОБЫ НЕ ТЕРЯТЬ НАДЕЖДЫ НА БОЖИЮ МИЛОСТЬ ИЗ-ЗА СВОИХ ГРЕХОВ
