В ТОЙ ЖЕ ДЕНЬ ПРАЗДНУЕМ ПОКРОВ СВЯТЕЙ БОГОРОДИЦИ. О ВИДЕНИИ СВЯТАГО АНДРЕА И ЕПИФАНИА, КАК ВИДЕСТА НА ВОЗДУСЕ СВЯТУЮ БОГОРОДИЦЮ
Страшно и чюдно видение честною святцю Андреа[48] и Епифаниа,[49] како видеста на въздусе святую Богородицю, пришедшу Влахерну[50] въ святую церковь съ аггелы и съ Предтечею,[51] и съ Богословцем Иоанном,[52] и съ инеми многыми святыми. Народу стоящу в церкве, видеста молящуся съ слезами къ Сыну си за весь миръ. И глагола Андрей къ Епифанови: «Видиши ли Царицю и Госпожю всех, молящися за миръ?» Он же рече: «Вижу, отче!» И покрывши честнымъ своим омфором,[53] светящися паче електора,[54] люди, сущая въ церкве.
Се убо егда слыша, помышлях: «Како страшное и милосердное видение, паче надеяние наше и заступление, бысть безъ праздника?» Надея же ся, Владычице, на милосердая твоя словеса, еже кь Сыну си рече, молящи и глаголющи: «Царю небесный, приими всякого человека, славящаго тя и призывающаго имя твое на всяком месте, идеже бывает паметь имени моего, святи место се и прослави прославляющаго тя именем моим, приемля их всяку молитву и ответъ». Темъ словесем надеяся, въсхотех да не безъ праздника останет святый Покровъ твой, Преблагая, но якоже ты хощеши украсити честный праздникъ твоего Покрова, Всемилостивая, украси, да и прославляющии тя възвеселятся, видяще многоименны твоя праздникы сиающа. И якоже тамо сущая народы въ церкве милостивно покрый, тако и нас грешных рабъ твоих покрый кровом крилу твоею, низлагающи съветы же и думы помышляющих на нь злая, и спаси ны по милости Сына твоего в сий векъ и в будущий, и вся притекающая к тебе съ страхом и верою, и надеяся на тя, скорое наше заступление и помощь.
Устави же ся таковый праздникъ праздновати месяца октября въ 1 день, в память святаго апостола Анании,[55] в славу Отца и Сына и Святаго Духа.
В ТОТ ЖЕ ДЕНЬ ПРАЗДНУЕМ ПОКРОВ СВЯТОЙ БОГОРОДИЦЫ. О ВИДЕНИИ СВЯТОГО АНДРЕЯ И ЕПИФАНИЯ, КОГДА ВИДЕЛИ ОНИ В ВОЗДУХЕ СВЯТУЮ БОГОРОДИЦУ
Страшно и удивительно видение честных праведников Андрея и Епифания, когда видели они святую Богородицу в воздухе, пришедшую с ангелами, с Предтечей и с Иоанном Богословом, и с многими другими святыми во Влахерну в святую церковь. При стечении народа в церкви видели они ее, со слезами молящую Сына за весь мир. И спросил Андрей Епифания: «Видишь ли Царицу и Госпожу всех, молящуюся за весь мир?» Он же ответил: «Вижу, отче!» И распростерла свой честной омофор, блиставший сильнее солнца, над людьми, бывшими в церкви.
