К Богородице притецем, сущие в бедах, и ко святей иконе Ея ныне припадем, с верою зовуще из глубины души: скоро услыши наше моление, Дево, яко Скоропослушница нарекшаяся. Тебе бо раби Твои в нуждах готовую Помощницу имамы.
Преблагословенная Владычице, Приснодево Богородице, Бога Слова паче всякаго слова на спасение наше рождшая, и благодать Его преизобильно паче всех приявшая, море явльшаяся Божественных дарований и чудес приснотекущая река, изливающая благость всем, с верою к Тебе прибегающим! Чудотворному Твоему образу припадающе, молимся Тебе, всещедрей Матери человеколюбиваго Владыки: удиви на нас пребогатыя милости Твоя, и прошения наша, приносимая Тебе, Скоропослушнице, ускори исполнити вся, яже на пользу, во утешение и спасение, коемуждо устрояющи. Посети, Преблагая, рабы Твоя благодатию Твоею, подаждь недугующим цельбу и совершенное здравие, обуреваемым тишину, плененным свободу и различными образы страждущих утеши. Избави, всемилостивая Госпоже, всяк град и страну от глада, язвы, труса, потопа, огня, меча и иныя казни временный и вечныя, Матерним Твоим дерзновением отвращающи гнев Божий; и душевного расслабления, обуревания страстей, грехопадений свободи рабы Твоя, яко да непреткновенно во всяком благочестии поживше в сем веце, и в будущем вечных благ сподобимся благодатию и человеколюбием Сына Твоего и Бога, Ему же подобает всякая слава, честь и поклонение со Безначальным Его Отцем и Пресвятым Духом ныне и присно, и во веки веков. Аминь.
(День празднования иконы «Скоропослушница»
9/22 ноября)
* * *
Величайшим Угодником Божиим является почитаемый во всем мире святой Николай Чудотворец – архиепископ Мир Ликийских. В Житии святого говорится о том, как он спас от позора одного отца, впавшего в нищету и задумавшего за мзду толкнуть дочерей на стезю блуда и разврата.
Святитель ночью подкрался к их дому и в открытое окошко, как сказано в жизнеописании святого, «вбросил три узельца злата», чем способствовал сохранению доброго имени хозяина дома, а главное, – чистоты и девственности его дочерей.
Ему молятся также в заботе устроить замужество дочерей.
Правило веры и образ кротости, воздержания учителя яви тя стаду твоему, яже вещей истина; сего ради стяжал еси смирением высокая, нищетою богатая, отче священноначальниче Николае, моли Христа Бога спастися душам нашим.
О всеблагий отче Николае, пастырю и учителю всех, верою притекающих к твоему заступлению и теплою молитвою тебе призывающих! Скоро потщися и избави Христово стадо от волков, губящих е; и всякую страну христианскую огради и сохрани святыми твоими молитвами от мирскаго мятежа, труса, нашествия иноплеменников и междоусобныя брани, от глада, потопа, огня, меча и напрасныя смерти; и якоже помиловал еси триех мужей в темнице седящих, и избавил еси их царева гнева и посечения мечнаго, тако помилуй и мене, умом, словом и делом во тьме грехов суща, и избави мя гнева Божия и вечныя казни, яко да твоим ходатайством и помощию, Своим же милосердием и благодатию Христос Бог тихое и безгрешное житие даст ми пожити в веце сем и избавит мя шуияго стояния, сподобит же деснаго со всеми святыми. Аминь.
