, а с ыным възырем 15 тысяч конных людей, а пеших 30 тысяч. А индейскые 4 возыри великых, а с ними рати своей по 40 тысяч конных людей, а пеших 100 тысяч. /л. 389 об./ И султан ополелся на индеян, што мало вышло с ним, и он еще прибавил 20 тысяч пеших людей, двесте[80] тысяч конных людей, да 20 слонов. Такова сила султана индейского бесерменьского Мамет дени иариа, а раст дени худо доносит{310}. А правую веру бог ведает, а праваа вера бога единого знати, имя его призывати на всяком месте чисте чисту.
В пятый же Великый день възмыслил ся на Русь. Изыдох же из Бедеря града за месяць до улубаграма{311} бесерменьского Мамет дени росолял{312}, а Велика дни христьаньского не ведаю Христова въскресения, а говейно же их говех с бесермены, и розговевся с ними, Великый день взях в Келберху{313} от Бедеря 20 ковов.
Султан же пришел до Меликътучара с ратию своею 15 день но улубагряме, а все Кельбергу; и война ся им не удала, /л. 390/ один город взяли индейской, а людей много изгыбло, и казны много истеряли. А индейской же султан кадам{314} велми силен, и рати у него много, а сидить в горе в Биченегире{315}. А град же его велми велик, около его три ровы[81], да сквозе его река течеть; а со одну сторону его женьгель{316} злый, и з другую сторону пришел дол, чюдна места велми и угодна на все, на одну же сторону приити некуды, сквозе град дорога, а града взяти некуды, пришла гора велика да деберь зла тикень{317}. Под городом же стояла рать месяць, и люди померли с безводия, да голов много велми изгыбло с голоду да с безводоци; а на воду смотрит, а взять некуды. Град же взял индейскы Меликъчан ходя{318}, а взял его силою, день и ночь бил ся с городом 20 дни, рать ни пила, ни яла, под городом стояла с пушками[82]; а рати его изгыбло 5 тысяч люду /л. 390 об./ доброго, и город взял, ины высекли 20 тысяч поголовия мужеского и женьского, а 20 тысяч полону взял и великого и малого, а продавали полону голову по 10 тенек, а иную по 5 тенек, а робята по 2 тенькы, а казны же не было ничево, а болшого града не взял.
А от Кельбергу поидох до Курули{319}; а в Курули же родится ахик{320}; и ту его делають и на весь свет откудыва его розвозят; а в Курыли же алмазъников триста, сулях микунет{321}. И ту[83] бых 5 месяць, а оттуды же поидох Калики{322}, и ту же бозар велми велик; а оттуды поидох Конаберга{323}[84]; а от Канаберга поидох ших Аладину; а от ших Аладина поидох ка Аминдрие; а от Камендрея к Нарясу; а от Кынарясу к Сури
