Псалмы на разные случаи жизни | страница 15

Мессианские псалмы по способу изображения будущих времен делятся на два разряда – на пророческие и преобразовательные.

А. П. Лопухин. «Толковая Библия»

На каждый день недели существует определенный псалом. Некоторые из этих псалмов надписаны днем седмицы, другие содержат стихи, соответствующие дням творения мира или прообразующие события Страстной седмицы и Воскресения Христова.

В ПОНЕДЕЛЬНИК

Псалом песни сынов Кореовых, вторыя субботы, 47

Ве́лий Госпо́дь и хва́лен зело́ во гра́де Бо́га на́шего, в горе́ святе́й Его́, благокоренны́м ра́дованием всея́ земли́: го́ры Сио́нския, ре́бра се́верова, град Царя́ Вели́каго. Бог в тя́жестех его́ зна́емь есть, егда́ заступа́ет и. Я́ко се ца́рие зе́мстии собра́шася, снидо́шася вку́пе. Ти́и ви́девше та́ко, удиви́шася, смято́шася, подвиго́шася. Тре́пет прия́т я: та́мо боле́зни я́ко ражда́ющия. Ду́хом бу́рным сокруши́ши корабли́ Фарси́йския. Я́коже слы́шахом, та́ко и ви́дехом во гра́де Го́спода сил, во гра́де Бо́га на́шего, Бог основа́ и в век. Прия́хом, Бо́же, ми́лость Твою́ посреде́ люде́й Твои́х. По и́мени Твоему́, Бо́же, та́ко и хвала́ Твоя́ на конца́х земли́, пра́вды испо́лнь десни́ца Твоя́. Да возвесели́тся гора́ Сио́нская и да возра́дуются дще́ри Иуде́йския суде́б ра́ди Твои́х, Го́споди. Обыди́те Сио́н и обыми́те его́, пове́дите в столпе́х его́. Положи́те сердца́ ва́ша в си́лу Его́ и раздели́те до́мы Его́, я́ко да пове́сте в ро́де ине́м. Я́ко Той есть Бог наш во век и в век ве́ка, Той упасе́т нас во ве́ки.

ВО ВТОРНИК

В конец, в песнех, псалом песни Давиду, 66

Бо́же, уще́дри ны и благослови́ ны, просвети́ лице́ Твое́ на ны и поми́луй ны. Позна́ти на земли́ путь Твой, во всех язы́цех спасе́ние Твое́. Да испове́дятся Тебе́ лю́дие, Бо́же, да испове́дятся Тебе́ лю́дие вси. Да возвеселя́т ся и да возра́дуются язы́цы, я́ко су́диши лю́дем правото́ю и язы́ки на земли́ наста́виши. Да испове́дятся Тебе́ лю́дие, Бо́же, да испове́дятся Тебе́ лю́дие вси́. Земля́ даде́ плод свой, благослови́ ны, Бо́же, Бо́же наш, благослови́ ны, Бо́же и да убоя́тся Его́ вси концы́ земли́.

В СРЕДУ

Псалом Давиду, в четвертый субботы, 93

Бог отмще́ний Госпо́дь, Бог отмще́ний не обину́лся есть. Вознеси́ся Судя́й земли́, возда́ждь воздая́ние го́рдым. Доко́ле гре́шницы, Го́споди, доко́ле гре́шницы восхва́лятся? Провеща́ют и возглаго́лют непра́вду, возглаго́лют вси де́лающии беззако́ние. Лю́ди Твоя́, Го́с поди, смири́ша и достоя́ние Твое́ озло́биша. Вдови́цу и си́ра умори́ша и прише́льца уби́ша, и ре́ша: не у́зрит Госпо́дь, ниже́ уразуме́ет Бог Иа́ковль. Разуме́йте же безу́мнии в лю́дех и бу́ии не́когда умудри́теся. Насажде́й у́хо, не слы́шит ли? Или́ созда́вый око, не сматря́ет ли? Наказу́яй язы́ки, не обличи́т ли, уча́й челове́ка ра́зуму? Госпо́дь весть помышле́ния челове́ческая, я́ко суть су́етна. Блаже́н че лове́к, его́же а́ще нака́жеши, Го́спо ди, и от зако́на Твоего́ научи́ши его́, укроти́ти его́ от дний лю́тых, до́ндеже изры́ется гре́шному я́ма. Яко не отри́нет Госпо́дь лю́дий Свои́х, и до стоя́ния Своего́ не оста́вит, до́ндеже пра́вда обрати́тся на суд, и держа́щиися ея́ вси пра́вии се́рдцем. Кто воста́нет ми на лука́внующыя? Или́ кто спредста́нет ми на де́лающыя беззако́ние? А́ще не Госпо́дь помо́гл бы ми, вма́ле всели́лася бы во ад душа́ моя́. А́ще глаго́лах, подви́жеся нога́ моя́, ми́лость Твоя́, Го́споди, помога́ше ми. По мно́жеству боле́зней мои́х в се́рдце мое́м, утеше́ния Твоя́ возвесели́ша ду́шу мою́. Да не прибу́дет Тебе́ престо́л беззако́ния, созида́яй труд на повеле́ние. Уловя́т на ду́шу пра́ведничу, и кровь непови́нную осу́дят. И бысть мне Госпо́дь в прибе́жище, и Бог мой в по́мощь упова́ния моего́: и возда́ст им Госпо́дь беззако́ние их и по лука́вствию их погуби́т я Госпо́дь Бог.