».
Псковская Первая летопись, 6849 г.
«Месяца сентября в 9 день, оубиша Немцы в Лотыголе, на селе на Опочьне, псковъских пословъ пять мужь, Михаля Любиновича и с нимъ дружину его на миру; и псковичи ехавше повоеваша Лотыголу о князи Александре Всеволодиче. И князь Александръ оучини разратие с Немцы, разгневався на псковичь и поеха прочь… А Немцы, тое зимы приехавше со всею силою, поставиша Новыи городокъ на реце на Пивжи, Псковъскои земле[171]».
Новгородская Четвертая и Псковская Первая летописи о событиях псковско-ливонской войны в 1342 г.
Новгородская Четвертая летопись, 6850 г.
«А Олгердъ и Кестутии повелеша своимъ Литовникомъ и видбляномъ и плесковицамъ бродитися за Великую реку, а не ведающе подъ Изборьскомъ рати; и они сташа станми на Коломне, перебродившеся. Олгердъ посла своихъ людеи въ сторожю предъ полкомъ, и они, ехавше, языка яша за Коломномъ и приведоша ко Олгерду, и онъ оуведа силоу велику немечкои рати подъ Изборьскомъ[172]».
Псковская Первая летопись, 6849 г.
«А Ольгердъ князь и Кестутии князь повеле своимъ Литовникомъ и видбляном и псковичемъ бродитися за Великую реку, а не ведуще под Изборскомъ рати; и они перебродившеся и ставше станми на Камне. А князь Ольгердъ посла своихъ людеи въ сторожу пред полкомъ; они же ехавше языка яша за Холохолномъ, и приведоша ко Ольгерду; и онъ поведа силу велику немецькия рати подъ Изборскомъ[173]».
Новгородская Четвертая и Псковская Первая летописи об осаде немцами Изборска в 1342 г.
Новгородская Четвертая летопись, 6850 г.
«И стояше ту Немци подъ Изборьскомъ 10 днии и воду отьяше отъ изборянъ, и помощью святыа Троица и молитвою святаго Николы отъидоша прочь, пожегше и пороки и всь запасъ свои, не ведающе, что нету въ Изборьске воды; но богъ храняше бе люди, тоу сущаа в немъ, а поганымъ вложи страхъ в сердца ихъ и обрати а на бегъ[174]».
Псковская Первая летопись, 6849 г.
«И стояша Немцы под Изборъскомъ десять днии, и воду отъяша от изборянъ; и помощию Святыя Троица и молитвою святого отца Николы отъидоша прочь, пожегше пороки и грады и весь запас свои, не ведающе, что во Изборску воды нетъ. Но богъ храняше градъ и люди, сущия в немъ, а поганым страх вложи въ сердца их и обрати я на бегь[175]».
Новгородская Четвертая и Псковская Первая летописи о литовских князьях во Пскове в 1342 г.
Новгородская Четвертая летопись, 6850 г.
«Тогда плесковици много истомившеся съ Олгердомъ, крестити его хотяще и на княжение его посадити въ Плескове, онъже отречеся креститися и княжениа плесковскаго; крестиша сына его Ондреа въ сборнеи церкви, и посадиша его плесковици оу себе на княжении, надеющися помощи отъ Олгерда. А Олгердъ и брать его Кестутеи поехаша съ своею силою в землю Литовскую, а помощи ни коея же не оучинивше Пскову толко хлебъ и сена около Плескова потравиша
