Первоверховному апостолу Петру
(29 июня/12 июля; 16/29 января)
Апостол Петр, в миру Симон, был сыном рыбака и братом апостола Андрея Первозванного, который и познакомил его с Иисусом Христом. Он горячо исповедовал учение Господа и был непреклонен в вере, за что получил название Камень (Петр). Несмотря на то что он троекратно отрекся от Христа, Господь восстановил его в апостольском достоинстве, так как святой раскаялся в своих деяниях. Апостол Петр обладал огромной духовной силой, которая исцеляла недуги.
Молитва первая
О святый Петре, великий апостоле, самовидче и сотаинниче Божий, всемощною десницею Учителя твоего из вод волнующихся приятый и от конечнаго потопления свободивыйся! Не забуди и нас убогих (имена), в тине греховней погрязших и волнами житейскаго моря обуреваемых: подаждь нам твою руку крепкую, помози нам и удержи нас от потопления во страстех, похотех, лжах и клеветах. Сотвори и ты с нами милость, тебе от Господа явленную, да не в сомнении и маловерии изгибнем. Научи нас, учителю наш, проливати слезы покаяния, да плачем горько о деяниих наших в веце сем. И аще твоя слезы, в покаяние излиянныя, милостию Своею покры Господь и Учитель твой, испроси и нам, со дерзновением апостольским, прощения во гресе ежечаснаго. Да тихое и безмолвное житие поживем в веце сем до часа, в оньже имать призвати нас века Господь, наш Судия нелицеприятный. Ты же, о всехвальный апостоле, не отвержи вопля нашего и стенания к тебе, но заступи нас пред Христом, твоим Учителем, да непрестанно славим Его милосердие к нам, со Отцем и Святым Духом, во веки веков. Аминь.
Молитва вторая
О святый великий апостоле Петре! Не отвержи мя, раба твоего (имя) и стенания моего к тебе. Призри на мя, сущаго в болезнех и печалех, испроси у Христа, Учителя твоего, (содержание прошения), да непрестанно славим Его милосердие к нам, со Отцем и Святым Духом, во веки веков. Аминь.
