Икона Божьей Матери Страстная Мавринская (находится в храме Владимирской иконы Божией Матери, деревня Маврино, Московской обл.)
Икона необычна по технике исполнения и представляет собой резное изображение ликов Богоматери и Спасителя.
По преданию, она явилась крестьянам у источника близ деревни Костыши во время эпидемии в конце XVII в. и с тех пор не раз являла чудеса исцеления.
Моление возле иконы помогает при сильных ушибах, глазных заболеваниях, ухудшении зрения, болезнях нервного происхождения, параличе, бесплодии, избавляет от порочных пристрастий.
О, Пресвятая Госпоже, Владычице Богородице, вышши еси всех ангел и архангел и всея твари честнейши, Помощница еси обидимых, ненадеющихся надеяние, убогих Заступница, печальных утешение, алчущих Кормительница, нагих одеяние, больных исцеление, грешных спасение, христиан всех поможение и заступление. О Всемилостивая Госпоже, Дево Богородице, Владычице, милостию Твоею спаси и помилуй раб Твоих, великаго господина и отца нашего Святейшаго Патриарха (имярек), и преосвященныя митрополиты, архиепископы и епископы, и весь священнический и иноческий чин, богохранимую страну нашу, военачальники, градоначальники и христолюбивое воинство и доброхоты, и вся православныя христианы ризою Твоею честною защити, и умоли, Госпоже, из Тебе без семене воплотившагося Христа Бога нашего, да препояшет нас силою Своею свыше на невидимыя и видимыя враги наша. О Всемилостивая Госпоже, Владычице Богородице, воздвигни нас из глубины греховныя и избави нас от глада, губительства, от труса и потопа, от огня и меча, от нахождения иноплеменных и междоусобныя брани, и от напрасныя смерти, и от нападения вражия, и от тлетворных ветр, и от смертоносныя язвы, и от всякаго зла. Подаждь, Госпоже, мир и здравие рабом Твоим, всем православным христианом, и просвети им ум и очи сердечныя, еже ко спасению, и сподоби ны, грешныя рабы Твоя, Царствия Сына Твоего, Христа Бога нашего, яко держава Его благословенна и препрославлена, со Безначальным Его Отцем, и с Пресвятым и Благим и Животворящим Его Духом, ныне, и присно, и во веки веков. Аминь.
Днесь возсия неизреченно царствующему граду нашему Москве икона Богоматере, и, яко светозарным солнцем, пришествием тоя озарися весь мир, небесныя силы и души праведных мысленно торжествуют, радующеся, мы же, на ню взирающе, к Богородице со слезами вопием: о Всемилостивая Госпоже, Владычице Богородице, молися из Тебе воплощенному Христу, Богу нашему, да подаст мир и здравие всем христианом по велицей и неизреченней Своей милости.
