Меть 34
Святые жены-мироносицы приидоша ко гробу Господню рано плакати и обретоша на гробе ангела на камени седяща, той рече к ним: что ищете живого с мертвыми? Несть зде, но возста и воскресе тридневно, якоже рече. И возрадовашася жены-мироносицы Христову воскресению; тако и ты, человече, о чем еси мыслил и гадал – возрадуешься радостию великою, Бог тебе на помощь; аще о болезни – восстанет, а о дому, о пути, и о корысти – в нов дом пойди, во всем добро являет.
Меть 35
Исправит Господь, человече, путь твой, и к тебе идет милость Божия, благодать и радочть. О том царь Давид рече: дал еси человеком и скотом. Тако и ты, человече, что еси думал – на первом будет сребро, а на втором корысть кажет, и в пути честен будеши во всех людей. Бог тебе на помощь: о чем еси мыслил и гадал, все сбудется по твоему прошению и желанию вскоре.
Меть 36
Господь Иисус Христос рече: тебе, человече, твоя молитва вельми потребна.
На кою годину устремился еси, человече, пойди Господь тебе на помощь, и буди готов на путь твой. О том царь Давид рече: призри на мя и помилуй мя; тако и ты, человече, о чем еси мыслил – молись Богу, избавит Господь от всякого зла; в деле твоем мало корысти и в мети твоей мало добра; кинь еще, загадай, что скажет другая меть.
Меть 37
Как гадание придет тебе на дело, тако и время будет; о том царь Давид: много дела пройдоша на мя, тако и ты, человече, о чем мысль твоя: берегись недруга своего, стоит под рукою твоею и зло на тебе мыслит, и люди тебе не мыслят добра; аще о пути – путь не скор и не угоден, лучше в ту сторону не ездить, и ко всему сия меть непотребна.
Меть 38
Летели две птицы через море Тивериадское и сели поверх древа, и свили гнедо на том древе и возрасти детей, и возрадовались те птицы своему гнезду и детям, тако и ты, человече, о чем еси гадал, возрадуешься орудию своему; аще о домашнем, или о болезни, или о пути, или недруг боишься, Бог все радостию совершит.
Меть 39
О чем еси, человече, мыслись и гадаешь, и во уме своем сумневаешься, все Бог исправит; молись Богу и на его милость надейся, все Бог исправит; аще ли о болезни гадал, или о пути, или о корысти, то все с радостию совершится.
Меть 40
Желание твое по твоему хотению, все тебе совершится с радостию и корыстью великою; аще еси гадал о болезни – исцелешь, а о пути – добро, а о дому – також, и недруга не бойся, он сам тебя боится.
Меть 41
Бежал заяц в другую страну, из тенет выдрался, в дальнюю пустыню, и возрадовался воле своей; тако и ты, человече, возрадуешься, о чем еси мыслил и гадал; аще о болезни – восстанешь, а о пути – корысть, а о пропаже – сыщется, и ко всякому делу добро.
