Псалом 2 Игрою твое дело будет. – Стоит Золотая Орда грозным царем, земля Русская – добрым благодетельным царем и великим князем, а дом стоит умным господином, Господом Богом делан. От печали в радость совершится; орудие твое всякое збудется.
Псалом 3 Мнози врази возстанут на тя, не убояся их. Рече Господь человеку: печально дело твое, есть врази в деле сем. Бог спасет тя, а дело твое с радостью совершится. Бог тебе на помощь: одолеешь.
Псалом 4 Мнози воссташа на тя, лют есть путь, смущен ты. – Рече Господь Бог человеку: не велит скорбети тебе, ни тужити от велика времени и печального, и в мятеж приходит орудие твое, не твори его, несть ти в нем пользы.
Псалом 5 Лют путь, смущен. Рече Господь человеку; не велит Господь быть в скорби. Не тужи о великом времени: наставит тебя Бог на добрую мысль и от велия печали избавит тя.
Псалом 6 Милосердо дело твое приходит. – Святый плотский ангел, седяй на селе моем; примеши село, пожнешь с благословением многим, всыплешь в житницу свою, исполнится дом твой благодати. Бог тебе на помощь, и святый Илия в орудии сем, от печали в радость приходит.
Псалом 7 Вол разрешися и выйдет в поле и встретит льва и боится: тако и ты, человече, убоишься. Молися Богу: добро тебе будет, Бог на помощь.
Псалом 8 Яко не веси ли, печаль будет. – С небеси приходит на землю на престол. Что ты, человече, мыслишь, на то и пойди: Господь спасёт тя, и свершится дело твое и забудется вскоре.
Псалом 9 Мзду имать орудие твое. Се лето настанет, весна украшается, земля и небеса расплодятся, и трава возрастет, и расцветет былие травное; так и ты, человече, молися Богу не на чаемую радость, и твое орудие от печали в радость придет.
Псалом 10 Птица гнездо совьет и воскормит себе дети; и пришед змея, и поест их. И птица горько плачущи; тако и ты, человече, вострепещеши в той день; но временно бедствуюши; на радость приеде, орудие сие свершится.
Псалом 11 Великая радость тебе с прибытком будет. – Праведное солнце заряжается от красные зори и осветит всю вселенную, и мир возрадуется, и вся вселенная праведному солнцу; так и ты, человече, возрадуешься орудию своему. Бог тебе на помощь.
Псалом 12 Дело твое борзо будет. – Нараменье, дубровы, горы и холми, и озера великие, и реки быстрые текущие, и есть путь лежит велик, так и ты, человече, пойди, не печалуйся будет орудие твое от печали в радость. Бог тебе на помощь.
Псалом 13 Зло дело твое, печалию к радости придет. – От дуба, человече, в дубраву не мечися: убог еси, человече, мыслиши из добрые воли на лихое дело на проклятое. Несть пользы николиже; молися Богу, совершится на радость.
