Молитва святителю Николаю Угоднику, Архиепископу Мирликийскому
Николай Чудотворец – помощник наш в любом деле. И к нему обращайтесь с молитвами о том, чтобы он вам путь указал, который к улучшению вашего благосостояния приведет.
О добрый наш пастырю и Богомудрый наставниче, святителю Христов Николае! Услыши нас грешных, молящихся тебе и призывающих в помощь скорое предстательство твое: виждь нас немощных, отвсюду уловляемых, всякаго блага лишенных и умом от малодушия помраченных: потщися, угодниче Божий, не оставити нас в греховнем плену быти, да не будем в радость врагом нашым и не умрем в лукавых деяниих наших: моли о нас недостойных Содетеля нашего и Владыку, Емуже ты со безплотными лики предстоиши: милостива к нам сотвори Бога нашего в нынешнем житий и в будущем веце, да не воздаст нам по делом нашым и по нечистоте сердец наших, но по Своей благости воздаст нам: на твое бо ходатайство уповающе, твоим предстательством хвалимся, твое заступление на помощь призываем, и ко пресвятому образу твоему припадающе, помощи просим: избави нас, угодниче Христов, от зол находящих на нас, и укроти волны страстей и бед возстающих на нас, да ради святых твоих молитв не обымет нас напасть и не погрязнем в пучине греховней и в тине страстей наших: моли, святителю Христов Николае, Христа Бога нашего, да подаст нам мирное житие и оставление грехов, душам же нашым спасение и велию милость, ныне и присно и во веки веков.
Молитва святителю Иоанну Милостивому, Патриарху Александрийскому
Святитель Иоанн, живший в VII в., после смерти жены и детей принял иночество и прославился своим благочестием. Всю свою жизнь посвятил он помощи нуждающимся – раздавал милостыню, защищал обиженных, совершал различные благодеяния. Издавна к нему обращаются с молитвами о помощи в работе и при материальных затруднениях.
Святителю Божий Иоанне, милостивый защитниче сирых и сущих в напастех! К тебе прибегаем и тебе молимся, яко скорому покровителю всех ищущих от Бога утешения в бедах и скорбех: не престай, моляся ко Господу о всех с верою притекающих к тебе! Ты преисполнен быв Христовы любве и благости, явился еси яко чудный чертог добродетели милосердия и стяжал еси себе имя милостивый: ты был еси яко река, непрестанно текущая щедрыми милостьми и всех жаждущих обильно напаяющая. Веруем, яко, по переселении от земли на небо, усугубися в тебе дар благодати сея и яко соделался еси неисчерпаемый сосуд всякия благостыни. Сотвори убо твоим ходатайством и заступлением пред Богом всякия утехи, да еси прибегающий к тебе обретают мир и безмятежие: даруй им утешение в печалех временных и пособие в нуждах житейских, всели в них надежду вечнаго упокоения во Царствии Небеснем. В житии твоем на земли ты был еси пристанище всем сущым во всякой беде и нужде, обидимым и недугующым, и ни един от притекавших к тебе и просивших у тебе милости лишен бысть твоея благостыни: тожде и ныне, царствуя со Христом Богом на Небеси, яви всем покланяющымся пред честною твоею иконою и молящымся о помощи и заступлении. Не точию сам ты творил еси милость беспомощным, но и сердца других воздвигал еси ко утешению немощных и ко призрению убогих: подвигни убо и ныне сердца верных к заступлению сирых, ко утешению скорбящих и успокоению неимущих, да не оскудевают в них дары милости, паче же да вселится в них и в дому сем, призревающем страждующих, мир и радость о Дусе Святе, во славу Господа и Спаса нашего Иисуса Христа, во веки веков. Аминь.
