История Малой России, со времен присоединения оной к Российскому государству при царе Алексее Михайловиче. Часть 1 [Издание 4] | страница 52

А изговоря Боярин Василий Васильевичь отдал Гетману Знамя.

А как отдал знамя и отдавая булаву говорил:

"Иное паки державы своея Царския знамение булаву сию благоверный и Христолюбивый Государь наш, Царь и Великий Князь Алексей Михайловичь, всеа Русии Самодержец, тебя жалуя, тебе посылает, да тою благополучно благочестивому воинству и всем людем

начальствуеши, гордящихся на Православие и непокоривых да тою тебе смирити; воинство же твое благочестивое, якоже до ныне добр устроевал еси, сице да и прочее время сим Пресветлыя Его Царския державы знамением, булавою, тако смотреливне управляти возможеши, яко да самое видение стройне управляемаго от себе воинства вся враги, на вы возстающия и на благочестие, устрашает и от вас прогоняет."

А отдав булаву, Боярин Василий Васильевичь говорил, отдавая одежду: "К сему благочестивый Государь наш, Царь и Великий Князь Алексей Михайловичь, всеа Русии Самодержец, орла носяй печать, яко орел покрыти гнездо свое и на птенца своя, вожделе град Киев с прочими грады, Царскаго своего орла некогда гнездо сущий, хотяй милостию своею Государскою покрыти, с ним же и птенца своя верныя некогда поде благочестивых Царей державою сущия, в защищение свое прияти, в знамении таковыя своея Царския милости тебе одежду сию дарует, сею показуя яко всегда непременною своею Государскою милостию тебе же и всех Православных, под Его Пресветлую Царскую державу подкланяющихся, изволи покрывати; и ты же да сию от Царскаго Его Величества прием, твою начатую службу, к Царской Его державе и к защищению Православных теплою ризою сею одеваяся согреваеши, яко да раждежен ревностно о вере Православной и о Царскаго Его Величества державе на враги побораеши. "

А как отдал одежду, и отдавая шапку говорил:

"Глав твоей, от Бога высоким умом вразумленной и промысл благородный о православия защищении смышляющей, сию шапку Пресветлое Царское Величество в покрытие дарует, да Бог здраву главу твою соблюдая всяцем разумом ко благому воинства преславнаго строению вразумляет, яко да тя, Гетмана, имуще вернии и тобою смысленно управляеми, врагов ногами попирати и безумие гордых умной глав твоей покоряти возмогут. Сие убо Своего Царскаго Величества жалованье благоверный Государь наш, Царь и Великий Князь Алексей Михайловичь, всеа Русии Самодержец, тебе даруя нами и всякаго благопоспешия и на враги одоления благоприветствуя, хощет, да в своем

обещании к Царской Его державе и вере непременней пребывающе, ту умную свою главу к Его Царской милости подкланяя, твердую и нерушимую верность свою со всем воинством своим и всеми Християны соблюдеши, яко да и Царское Его Величество, вашим раченьем возбуждаем, большую к тебе и всем твоим милость свою Царскую простирати возможет."